Dr. Dilarə Kərimbəyova

1971-1977-ci illərdə ADTİ-də “Müalicə işi” ixtisası üzrə təhsil almış,1977-1978-ci illərdə 2 saylı Şəhər Klinik Xəstəxanasının bazasında terapiya ixtisası üzrə internatura keçmişdir.

1979-cu ildən Şəhər Onkoloji Dispanserində həkim-onkoloq vəzifəsində çalışmış, 1986-cı ildən şəhər onkoloji dispanserinin ultrasəs kabinetində həkim işləmişdir.

1986-cı ildə 5 saylı şəhər klinik xəstəxanasında USM kabinetində stajirovka keçmişdir.

1987-ci ildə Moskva şəhərində yerləşən Onkologiya ETRTÖİ-də ultrasəs müayinələrin tədqiqi üzrə, Azərbaycan Dövlət Həkimləri Təkmilləşdirmə İnstitutunda qadın cinsi orqanlarının bədxassəli şişlərinin diaqnostikası və müalicəsi üzrə tam kurs keçmişdir.

Həmin il attestasiya komissiyasında attestasiyadan keçmiş və I kateqoriya ultrasəs diaqnostikası həkimi ixtisası almışdır.

1994-cü ildə Azərbaycan Respublikası Səhiyyə Nazirliyinin əmri ilə Dilarə Kərimbəyovaya

yüksək kateqoriyalı ultrasəs diaqnostikası həkimi ixtisası verilmişdir.

1999-cu ildə Azərbaycan Dövlət Həkimləri Təkmilləşdirmə İnstitutunda “Bədxassəli şişlərin diaqnostikası və müalicəsi” üzrə, 2014-cü ildə Tbilisi şəhərində ultrasəs müayinəsi üzrə kurs keçmişdir.